வரலாற்றுச் செய்திகள்

இராமநாதபுரம் அரண்மனை வளாகத்தின் வடக்குப் பகுதியில் அமைந்துள்ளது இராமலிங்க விலாசம் என்னும் எழில் மாளிகை சேதுமன்னர்களில் சிறப்புற்று விளங்கிய கிழவன் சேதுபதியன் (கி.பி 1674-1710) காலத்தில் இம்மாளிகை உருவாயிற்று.

விழாக்காலங்களில் சேதுபதி மன்னர்கள் இம்மாளிகையில் வந்து தங்குவர். இம்மாளிகையின் சுவர்களில் ஓவியக்கலைக்கும், வரலாற்றியலுக்கும் பெருமை சேர்க்கும் அரிய வண்ண ஓவியங்கள் எழிலுறத் தீட்டப்பட்டுள்ளன.

இராமாயணம், பாகவதம், தலப்புராணங்கள், முத்து விஜய ரகுநாத சேதுபதியின் முக்கிய வாழ்க்கை நிகழ்ச்சிகள் ஆகியவை ஓவியங்களாகத் தீட்டப்பட்டுள்ளன.இவ்வோவியங்களின் கீழ் தமிழ், தெலுங்கு மொழிகளில் விளக்கக் குறிப்புகளும் எழுதப்பட்டுள்ளன.